Ҳужумчи Роберт Левандовски жорий мавсум якунида «Барселона»ни тарк этиши мумкин. Mundo Deportivo нашрининг маълумотларига кўра, польшалик форвардни ўз сафига қўшиб олишга камида еттита жамоа қизиқиш билдирмоқда.

Гап «Ювентус», «Милан», «Ливерпуль», «Челси», «Чикаго Файр», Мадриднинг «Атлетико» ва «Фенербахче» клублари ҳақида бормоқда. Шу билан бирга, футболчининг «Барселона» билан янги шартнома имзолаши ҳам истисно этилмайди.

Роберт Левандовски 2022 йилда «Бавария»дан «Барселона»га 45 миллион евро эвазига ўтган эди. Унинг каталонияликлар билан шартномаси 2026 йилнинг 30 июнига қадар мўлжалланган. Жорий мавсумда полшалик юлдуз «кўк-анорранглилар» либосида барча турнирларда 40 та ўйинда майдонга тушиб, 17 та гол урди ва 3 та голли узатмани амалга оширди.