Мадриднинг «Атлетико» клуби Испания Кубоги финалида «Реал Сосьедад»дан қабул қилинган мағлубиятдан сўнг ўз мухлисларига таъсирли мурожаат йўллади. Ушбу учрашувнинг асосий вақти 2:2 ҳисобида якунланган бўлса, пенальтилар сериясида «матрасчилар» 3:4 ҳисобида имкониятни бой беришди.
«Биз охиригача курашдик ва кутилган натижага эриша олмаган бўлсак-да, Севилья, Мадрид ва дунёнинг барча бурчакларидан сизнинг қўллаб-қувватлашингизни ҳис қилишдан тўхтамадик. Бу йўлни сиз билан бирга босиб ўтиш биз учун катта шараф. Доимо биргамиз», — дейилади «Атлетико»нинг X ижтимоий тармоғидаги расмий саҳифасида қолдирилган хабарда.
Маълумот учун, учрашувнинг асосий вақтида мадридликлар сафида ҳужумчилар Адемола Лукман ва Хулиан Альварес гол муаллифига айланишган эди.
