"Арсенал" "Спортинг"нинг уч нафар ўйинчиси ҳимоячилар Усман Диоманде ва Иван Фреснеда, шунингдек, ярим ҳимоячи Мортен Юльманнга қизиқиш билдирмоқда. Бу ҳақда Caught Offside хабар бермоқда.
Манбанинг маълумотига кўра, Лондон клуби вакиллари Лиссабон жамоасидаги ҳамкасблари билан суҳбат ўтказишган. Таъкидланишича, "Арсенал" ва "Спортинг" ўртасидаги бундай мулоқот юқорида номлари тилга олинган футболчилар ўтиш учун асосий номзодлар эканини англатмайди.
Катта эҳтимол билан, клублар ўзаро муносабатларни йўлга қўймоқчи. Агар таклиф тушса, Диоманде, Фреснеда ва Юльманн "Арсенал" каби жамоага ўтиш истагини билдиришлари истисно этилмайди.
