Фахрий футболчининг фикрича, Мбаппе Чемпионлар лигасидан чиқиб кетиш учун жавобгардир.

Франция терма жамоаси собиқ футболчиси Эммануэль Пети Мадриднинг "Реал" клуби охирги натижаларига изоҳ берди. Шу ҳафтада "қаймоқранглилар" икки ўйин натижасига кўра "Бавария"га имкониятни бой бериб, Чемпионлар лигасини тарк этишди. Петининг ҳисоблашича, бунда кўп жиҳатдан жамоага келиши билан муҳитни сезиларли даражада ўзгартириб юборган Мбаппе айбдор.

"Бу нафақат Мбаппенинг айби, лекин унинг келиши кийиниш хонасини худбинликка тўлдириб юборди. Бу — фиаско", — деди Пети RMC Sport нашрига.

Килиан Мбаппе 2024 йилда "ПСЖ"дан "Реал"га ўтган эди. Француз мадридликлар билан бирга УЕФА Суперкубоги ва Қитъалараро кубокда ғолиб чиқди.