"Эвертон" бош мураббийи Дэвид Мойес "Ливерпуль"га қарши ўйин олдидан ОАВ вакиллари билан суҳбатлашди. АПЛ 33-туридан ўрин олган ва 19 апрель куни "Хилл Дикинсон" стадионида бўлиб ўтадиган учрашув Тошкент вақти билан соат 18:00 да бошланади.
"Мен учун энг муҳими шундаки, 6 та ўйин қолди ва бизда курашиш учун мақсад бор. Сўнгги йилларда биз керакли нарсалар учун курашмаётган эдик. Бу йил эса сиз бизни кўришни умид қилган жойга яқинлашиб қолдик. Умид қиламанки, биз шу руҳда давом этиб, ушбу орзуни ҳақиқатга айлантира оламиз. Кўрамиз, нима содир бўларкин", — дея мураббийнинг сўзларидан иқтибос келтиради BBC.
Ғалаба ва "Ливерпуль"га етиб олиш имконияти ҳақидаги саволга Мойес "биздан юқорида турганларнинг барчасига" етиб олишга эътибор қаратганини ва унинг шогирдлари орқада келаётганлардан "ҳимояланишга ҳаракат қилишлари" кераклигини айтди. Жароҳатлар ҳақида тўхталар экан, мураббий Алькарас сафга қайтганини ва энди унинг жамоасига фақат Жек Грилиш етишмаётганини маълум қилди.
