Миланнинг «Интер» клуби вице-президенти Хавьер Дзанетти ҳамон Чемпионлар лигасидаги муваффақиятсизликни оғир қабул қилмоқда. Эслатиб ўтамиз, клуб 1/8 финалда Норвегиянинг камтарона «Будё-Глимт» жамоасидан мағлубиятга учраган эди. У ушбу кўнгилсиз вазият келаси йили такрорланмаслигига умид қилмоқда.
"Интер" ўзи иштирок этадиган барча турнирларда рақобатбардош бўлишга интилиши керак. Бу йил Европада ишларимиз унчалик яхши бўлмади, шунинг учун келаси мавсумда реванш олишимиз керак", — дея собиқ аргентиналик футболчининг сўзларини келтирмоқда derbyderbyderby.it.
Эслатиб ўтамиз, Хавьер Дзанетти 1995 йилдан 2014 йилгача Миланнинг «Интер» клуби шарафини ҳимоя қилган.
