«Манчестер Юнайтед»нинг собиқ футболчиси Рой Кин Премьер-лига чемпионлик пойгасида кимга хайрихоҳ экани ҳақидаги саволга жавоб берди. Якшанба куни «Манчестер Сити» ўз майдонида «Арсенал»ни мағлуб этди (2:1) ва турнир жадвалидаги фарқни уч очкогача қисқартирди, «шаҳарликлар»нинг захирада битта кам ўйини бор.
Кўпчилик аллақачон «канонирлар»ни чемпионликка тайёрлаб қўйган бўлса-да, улар энди яққол фаворит ҳисобланмайди. Кин ким чемпион бўлиши ҳақида гапирар экан, Микель Артета жамоаси унга яқинроқ эканини тан олди.
«Менга фарқи йўқ. Лекин "Арсенал"ни қўллаб-қувватлашга мажбурман», — деди таниқли ирландиялик собиқ ярим ҳимоячи Sky Sports студиясида.
«Арсенал» 2004 йилдан бери чемпионликни қўлга киритмаган, «Манчестер Сити» эса охирги марта 2024 йилда чемпионликни расмийлаштирган эди.
