Россия терма жамоаси ва «Манчестер Юнайтед» собиқ футболчиси Андрей Канчельскис Лондоннинг «Арсенал» клуби жорий мавсумда Англия чемпиони бўлиш имкониятларини баҳолади.
«Арсенал»да ҳар доим АПЛда ғолиб чиқиш учун имконият бўлади, лекин якунда улар ортга чекинишади. Психология масаласи панд бериши эҳтимолдан холи эмас. Ўйлайманки, бу йил улар яна иккинчи бўлишади», — дея футбол экспертининг сўзларини келтиради Metaratings.ru.
Англия Премьер-лигасининг 33-тури марказий баҳсида «Арсенал» сафарда «Манчестер Сити»га 1:2 ҳисобида имкониятни бой берди. Бугунги ҳолатга кўра, «тўпчилар» «шаҳарликлар»ни уч очкога ортда қолдирмоқда, бироқ Хосеп Гвардиола жамоасида захира ўйини мавжуд.
