Дортмунднинг «Боруссия» клуби «Вест Хэм» ҳимоячиси Константинос Мавропаносни ўз сафига қўшиб олишни кўзламоқда. Бу ҳақда Sky Germany нашри хабар берди.
Қайд этилишича, грециялик ҳимоячига Бундеслига ва АПЛнинг бир нечта клублари қизиқиш билдирмоқда. Мавропаноснинг «Вест Хэм» билан шартномаси 2028 йилнинг ёзига қадар амал қилади. Бироқ футболчи «янги чорловлар» изламоқда ва шу ёзда жамоасини ўзгартиришга тайёр.
Константинос Мавропанос «Вест Хэм» сафида жами 97 та ўйинда майдонга тушиб, ўз ҳисобига тўртта гол ёздириб қўйган. Transfermarkt портали футболчининг бозор қийматини 15 миллион еврога баҳоламоқда.
