Мадриднинг «Реал» клуби бош мураббийи Альваро Арбелоа Ла Лиганинг 33-туридан ўрин олган «Алавес»га қарши ўйин олдидан футболчилар билан муносабати ва мухлисларнинг танқидларига муносабат билдирди. Учрашув эртага, 21 апрель куни бўлиб ўтади.

— Кийиниш хонасидаги футболчилар билан муносабатларингиз қандай?

— Менда одатий маънодаги «улфатчилик» муносабатлари бордек туйғу йўқ. Менимча, жамоа билан яхши алоқа ўрнатганмиз. Мен футболни бошқача тасаввур қила олмайман. Бу талабчан бўлмаслик ёки ўйинчиларни янада кўпроқ ишлашга ундамаслик керак дегани эмас... Бундай муносабатлар футболчилик касбининг бир қисмидир. Ҳатто энг қийин лаҳзаларда ҳам кийиниш хонасида доимо яхши муҳит сақланиб қолди. Менинг назаримда, бу тўғри ва ҳақиқий кийиниш хонаси айнан шундай кўриниши керак.

— Мухлисларнинг ҳуштакбозлик қилаётгани сизни ташвишга соляптими?

— Бу мени хавотирга солмайди, чунки кўча-кўйда «Реал» мухлислари жамоани қўллаб-қувватлаётганини ҳис қиляпман. Эртага биз яхши ўйин кўрсатишимиз, муносиб ҳаракат қилишимиз ва «Бернабеу» олқишларига лойиқ бўлишимиз керак. Биз майдонга ғалаба қозониш иштиёқи билан тушишимиз ва буни тўп ҳаракатга келган илк сониялардан бошлаб исботлашимиз шарт, — дея Арбелоанинг сўзларини келтиради AS.