Италиянинг «Наполи» клуби раҳбарияти бельгиялик юлдузлар — Ромелу Лукаку ва Кевин Де Брюйненинг шартномаларини узайтириш масаласида иккиланиб қолмоқда. Бу ҳақда Corriere dello Sport нашри хабар бермоқда.

Маълумотларга кўра, Лукакунинг амалдаги келишуви жорий мавсум якунида ниҳоясига етса, Де Брюйненинг шартномаси келаси йили тугайди. Клубнинг молиявий сиёсатини қайта кўриб чиқаётган неаполликлар учун ушбу футболчиларнинг юқори миқдордаги иш ҳақи асосий тўсиқ бўлиб хизмат қилмоқда.

«Наполи» келгуси мавсум учун маошлар жадвалини оптималлаштириш ва молиявий барқарорликни таъминлаш мақсадида тажрибали футболчилар билан хайрлашиш имкониятини баҳоламоқда. Шунингдек, клуб ёзги трансферлар учун бюджетни яхшилаш мақсадида Европа Чемпионлар лигаси йўлланмасини қўлга киритишни асосий вазифа этиб белгилаган.

Гарчи жамоа сўнгги турда «Лацио»га имкониятни бой берган бўлса-да, Антонио Конте шогирдлари айни пайтда А Серия турнир жадвалида 3-ўринни эгаллаб турибди. Неаполликлар таъқибчилари — «Ювентус»дан 3 очко, «Комо»дан эса 8 очко олдинда бормоқда.