«Манчестер Юнайтед»нинг собиқ футболчиси Патрис Эвра хафа — у кутилмаганда чуқур инқирозга юз тутган Лондоннинг «Арсенал» клуби туфайли Англия чемпионатидаги интрига кўз ўнггида сўниб бораётган деб ҳисоблайди.
«Мен «Арсенал»да ғалабага бўлган иштиёқни, муваффақиятга бўлган ишончни кўрмаяпман. Ўзинг муваффақиятга ишонмасанг, сенга ҳеч ким ишонмайди. Уларда яна дежавю ҳолати кузатилмоқда — нечанчи бор чемпионат давомидаги устунликларини бой беришмоқда. Албатта, Гвардиола бу сафар ҳам бундай имкониятни қўлдан чиқармайди», — дея франциялик собиқ футболчининг сўзларидан иқтибос келтиради derbyderbyderby.it нашри.
