Бугун “Насаф” жамоаси ўз майдонида Жиззахнинг "Сўғдиёна" жамоасини 4:2 ҳисобида мағлубиятга учратди. Сайтимиз анъанасига кўра ушбу учрашувнинг статистикасини эътиборингизга ҳавола қиламиз.
Стадионга ташриф буюрган мухлислар бугун ажойиб футбол ўйинига гувоҳ бўлишди. Учрашувни бевосита стадионда кузатиб борган сайтимиз ходими ўйин статистикасини тузиб борди. Ушбу статистика "Сўғдиёна" жамоасини анчагина интизомли эканини кўрсатиб берди. Сабаби Даврон Файзиев шогирдлари бор йўғи 4 маротабагина қоида бузилиш содир этди. Бу шу вақтгача берган статистикаларимизнинг энг минимал ҳолати. "Сўғдиёна" учун ачинарлиси, 4 та қоида бузилишдан иккитаси жарима майдони ичида содир этилди.
Ана шу маълумотлар билан қуйида танишиб олинг.
| "Насаф" | Кўрсаткичлар | "Сўғдиёна" |
| 4 | Голлар | 2 |
| 10 | Зарбалар | 9 |
| 7 | Аниқ зарбалар | 5 |
| 19 | Қоида бузилиши | 4 |
| 5 | Бурчак тўплари | 1 |
| 3 | Офсайдлар | 4 |
| 1 | Огоҳлантириш | 0 |
| 0 | Четлатиш | 0 |
Зиёдулла Сафаров тайёрлади
