Бразилия терма жамоаси собиқ ҳужумчиси Роналдиньо мухлисларга унинг ўйинига бўлган меҳрлари учун миннатдорчилик билдирди.

«Одамларга менинг ўйинимни томоша қилиш ёққанини, улар ҳалигача YouTube’га кириб, ўйинларимдаги энг сара лаҳзаларни ва баъзи финтларимни қайта-қайта кўришларини билишдан бахтиёрман.

Майдонда доим завқланиб ҳаракат қилганман. Футболчилик давримда ва ҳозиргача менга кўрсатилаётган барча меҳр-муҳаббат учун жуда фахрланаман ва миннатдорман», — деди Роналдиньо.

Бразилиялик афсона ўз фаолиятини 2015 йилда якунлаган. У фаолияти давомида «ПСЖ», «Барселона», «Милан» ва бошқа кўплаб клубларда тўп сурган.