«Челси» бош мураббийи Лиам Росеньор ёзги трансфер ойнасида Алехандро Гарначонинг сотилиши мумкинлиги ҳақидаги миш-мишларни инкор этди.
Мураббий матбуот анжуманида бундай маълумотларнинг манбаси билан қизиқди.
«Бу хабарларнинг манбаси кимлигини билишни истардим... Гарначо эндигина 21 ёшда. У яхши ҳолатда ва спорт формасида бўлганида алоҳида фазилатларга эга бўладиган футболчи. Менинг вазифам эса унга ана шу даражага чиқишда ёрдам беришдир», — деди Росеньор.













