Лондоннинг «Тоттенхэм» клубига тегишли бўлган аргентиналик марказий ҳимоячи Кристиан Ромеро Англияни Испанияга алмаштириши мумкин. Бу ҳақда CaughtOffside журналистлари хабар бермоқда.
Манбанинг берган маълумотига кўра, Мадриднинг «Атлетико» клуби футболчини ўз сафига қўшиб олишга қизиқиш билдирмоқда. 27 ёшли ҳимоячининг трансфер қиймати 50 миллион еврога баҳоланмоқда, унинг лондонликлар билан амалдаги шартномаси эса 2029 йилнинг июнь ойи якунигача мўлжалланган.
Жорий Англия Премьер-лигаси мавсумида Кристиан Ромеро «Тоттенхэм» сафида 23 та ўйинда майдонга тушди. Ҳимоячи бўлишига қарамай, у ўз ҳисобига тўртта гол ва битта голли узатмани ёздириб қўйишга муваффақ бўлди.
