Мадриднинг «Реал» клуби президенти Флорентино Перес бош мураббийлик постига навбатдаги истиқболли мутахассисни таклиф қилишни режалаштирмаяпти. Бу ҳақда Carrusel Deportivo хабар бермоқда.
Манбанинг маълумотига кўра, «қаймоқранглилар» ўтган қишда жамоани қабул қилиб олган Альваро Арбелоа ўрнига тажрибали ва совриндор мураббийни тайинламоқчи. Эслатиб ўтамиз, мавсумнинг биринчи қисмида «Реал»ни Хаби Алонсо бошқарган эди.
31 турдан сўнг «Реал» Испания Ла Лигаси турнир жадвалида 70 очко тўплаган ҳолда иккинчи ўринни эгаллаб турибди. Пешқадам «Барселона»дан орқада қолиш 9 очкони ташкил қилмоқда. Аввалроқ «қироллик клуби» Мюнхеннинг «Бавария»сига икки бор мағлуб бўлиб, Чемпионлар Лигасини тарк этган эди.
