Мадриднинг «Реал» клуби бош мураббийи Альваро Арбелоа жамоага катта ислоҳотлар («революция») керак эмас деб ҳисоблайди.
«Менинг нуқтаи назаримга кўра, «Реал» совринлар учун курашга қайтиши учун таркибни бутунлай янгилаши (қайта қуриши) шарт эмас. Бу ажойиб жамоа. Революцияга ҳожат йўқ. Биз ҳар қандай жамоа каби ўсишимиз мумкин, аммо катта ўзгаришлар талаб этилмайди», — дея Арбелоанинг сўзларини келтирмоқда журналист Фабрицио Романо.
Эслатиб ўтамиз, ўтган мавсумда «Реал» УЕФА Суперкубоги ва ФИФА Қитъалараро кубогида ғалаба қозониб, иккита иккинчи даражали совринни қўлга киритган эди. Жорий мавсумда эса «қаймоқранглилар» аллақачон барча кубокларни тарк этишди, Испания чемпионатида эса пешқадам «Барселона»дан 9 очко ортда қолган ҳолда иккинчи ўринда бормоқда.
