Туриннинг «Ювентус» клуби ёзги трансфер ойнасида ярим ҳимоячи Тён Копмейнерс билан хайрлашиши мумкин. Tuttosport нашрининг хабар беришича, клуб бюджетини барқарорлаштириш мақсадида бир қатор футболчиларни сотишни режалаштирмоқда ва Копмейнерс асосий номзодлардан бири бўлиб турибди.
Нидерландиялик футболчи «бьянконери» сафида ўзидан кутилган ўйинни тўлиқ намойиш эта олмади. Туринликлар унинг трансферидан камида 30 миллион евро ишлаб олишни кўзламоқда. Айни дамда футболчига «Манчестер Юнайтед» ва Туркиянинг «Галатасарой» клублари жиддий қизиқиш билдирмоқда.
Маълумот учун, Копмейнерс жорий мавсумда «Ювентус» таркибида барча турнирларда 40 та ўйинда майдонга тушиб, 2 та гол ва 1 та голли узатмага муаллифлик қилди.
