«Комо» бош мураббийи Сеск Фабрегас Италия Кубоги яримфиналидан ўрин олган баҳсдан сўнг «Интер» ярим ҳимоячиси Хакан Чалханўғлининг ўйинига юқори баҳо берди.
Туркиялик футболчи жавоб учрашувида иккита гол ва битта голли узатмага муаллифлик қилиб, баҳс қаҳрамонига айланди. Унинг саъй-ҳаракатлари эвазига «нерадзурри» 3:2 ҳисобида ғалаба қозониб, финал йўлланмасини қўлга киритди.
«Менга Чалханўғлининг ўйини жуда ёқади — у Кроос, Модрич ва Пирлога ўхшайди. Бундай футболчилар дунёда жуда кам. Мен унга чин дилдан қойил қоламан. Хакан бутун жамоанинг ўйин ритмини белгилаб беради», — дея Фабрегаснинг сўзларини келтирмоқда инсайдер Николо Скира.
Маълумот учун, Италия Кубогининг иккинчи финалчиси бугун бўлиб ўтадиган «Аталанта» ҳамда «Лацио» жамоалари ўртасидаги учрашувдан сўнг маълум бўлади. Дастлабки баҳсда 2:2 ҳисобидаги дуранг қайд этилган эди.
