Италиялик собиқ футболчи Массимо Мауро А Сериядаги вазият борасида ўз фикрларини билдириб ўтди. Унинг фикрича, Миланнинг «Интер» клуби нафақат жорий мавсумда, балки кейинги йилда ҳам асосий фаворит бўлиб қолади.
Мауронинг таъкидлашича, «Милан» ва «Ювентус» жамоалари «нерадзурри» билан рақобатлашиш учун таркибни жиддий равишда кучайтиришлари зарур.
«Милан»га кейинги мавсум ҳақида ўйлаш вақти келди. Менимча, улар бу йил Чемпионлар лигаси ҳудудига кира олишади. Аммо ўсишга эришиш ва келаси мавсумда чемпионлик учун курашиш учун жамоа камида учта Рабьо ёки Модрич даражасидаги футболчиларни сотиб олиши шарт. Акс ҳолда, кейинги чемпионат ҳам «Интер»нинг «диктовкаси» остида ўтади», — дея Мауронинг сўзларини келтирмоқда fcinter1908.it.
