Лондоннинг «Челси» клуби Англия Премьер-лигаси доирасида «Брайтон»дан қабул қилиб олинган йирик мағлубиятдан (0:3) сўнг танқидлар марказида қолмоқда. «Чайкалар» ҳар жабҳада лондонликлардан устун келишгани ўйиндаги ҳисобда ҳам ўз аксини топди.
The Touchline нашрининг қайд этишича, учрашувнинг биринчи бўлими якунларига кўра, «Челси»нинг кутилаётган голлар кўрсаткичи (xG) бор-йўғи 0,04ни ташкил этган. Бу жамоанинг собиқ бош мураббийи Энцо Мареска давридаги 114 та ўйиннинг ҳеч бирида кузатилмаган энг паст натижадир.
Эслатиб ўтамиз, италиялик мутахассис Энцо Мареска бир ярим йиллик фаолиятдан сўнг, жорий йилнинг 1 январь куни истеъфога чиқарилган эди. Унинг ўрнини 6 январь куни Лиам Росеньор эгаллаган.
Айни пайтда «аристократлар»нинг аҳволи ҳавас қиларли даражада эмас: жамоа АПЛ доирасида кетма-кет 5 та ўйинда мағлубиятга учради. Ушбу баҳслардаги тўплар нисбати эса 0:11 ни ташкил этмоқда.
