«Манчестер Юнайтед» собиқ сардори Брайан Робсон жамоа бошқарувини вақтинчалик ўз қўлига олган Майкл Кэррикнинг фаолияти ҳақида фикр билдирди.
«Менимча, Майкл ҳозирги вақтда ишни аъло даражада уддалади. У жамоани қабул қилиб олган нуқта билан ҳозирги ҳолатни солиштирсак, катта фарқни кўрамиз. Энди Кэррикнинг олдида битта вазифа бор — бошлаган ишини охирига етказиш ва жамоани Чемпионлар лигасига олиб чиқиш. Агар у буни уддаласа, «Манчестер Юнайтед» унга камида икки йил имконият бермаслиги учун бирорта сабаб кўрмаяпман», — деди Робсон.
Афсонавий футболчи инглиз мутахассисларига катта клубларда кам имконият берилишини танқид қилар экан, жамоа таркибига ҳам тўхталиб ўтди:
«Мен доим айтганман: агар буюк жамоа тузмоқчи бўлсангиз — буюк ўйинчиларни сотиб олинг. Ўртамиёна жамоа учун ўртамиёна футболчилар кифоя. Агар таркибга кучсиз ижрочиларни йиғсангиз, АПЛдан тушиб кетасиз».
Маълумот учун, Майкл Кэррик январь ойида Рубен Аморим истеъфосидан сўнг жамоани қабул қилиб олган эди. Унинг қўл остида «қизил иблислар» сезиларли даражада ўсишга эришди. Айни дамда «Манчестер Юнайтед» АПЛ турнир жадвалида 33 турдан сўнг 58 очко билан 3-ўринда бормоқда ва ЕЧЛ йўлланмаси учун асосий даъвогарлардан бири бўлиб турибди.
