«Вест Хэм» ярим ҳимоячиси Матеуш Фернандеш фаолиятини топ-клубда давом эттириши мумкин. Санти Аунанинг маълумотларига кўра, 21 ёшли футболчини ўз сафига қўшиб олишга «ПСЖ» қизиқиш билдирмоқда.
Париж клуби португалиялик футболчининг трансфери бўйича «болғачилар» билан дастлабки алоқаларни ўрнатган.
Матеуш Фернандеш 2025 йилда «Саутгемптон»дан «Вест Хэм»га 44 миллион евро эвазига ўтган эди. Унинг Лондон клуби билан шартномаси 2030 йилнинг 30 июнига қадар мўлжалланган.
Жорий мавсумда португалиялик футболчи «Вест Хэм» сафида барча турнирларда 37 та ўйинда майдонга тушиб, 5 та гол урди ва 4 та голли узатмани амалга оширди. Transfermarkt портали Фернандешнинг қийматини 35 миллион еврога баҳоламоқда.
