«Vest Xem» yarim himoyachisi Mateush Fernandesh faoliyatini top-klubda davom ettirishi mumkin. Santi Aunaning ma’lumotlariga ko‘ra, 21 yoshli futbolchini o‘z safiga qo‘shib olishga «PSJ» qiziqish bildirmoqda.
Parij klubi portugaliyalik futbolchining transferi bo‘yicha «bolg‘achilar» bilan dastlabki aloqalarni o‘rnatgan.
Mateush Fernandesh 2025 yilda «Sautgempton»dan «Vest Xem»ga 44 million yevro evaziga o‘tgan edi. Uning London klubi bilan shartnomasi 2030 yilning 30 iyuniga qadar mo‘ljallangan.
Joriy mavsumda portugaliyalik futbolchi «Vest Xem» safida barcha turnirlarda 37 ta o‘yinda maydonga tushib, 5 ta gol urdi va 4 ta golli uzatmani amalga oshirdi. Transfermarkt portali Fernandeshning qiymatini 35 million yevroga baholamoqda.
