«Ювентус» ҳужумчиси Душан Влахович фаолиятини Германияда давом эттириши мумкин. Sky Sports нашрининг хабарига кўра, сербиялик футболчига «Бавария» қизиқиш билдирмоқда.
Мюнхен клуби ҳужумчининг трансферини кўриб чиқишга тайёр, агар у «Ювентус» билан 2026 йилнинг 30 июнигача мўлжалланган шартномасини узайтирмаса — бу ҳолатда футболчи ёзда эркин агентга айланиши мумкин.
«Бавария» Влаховични Харри Кейнга ўринбосар, шунингдек, ижара муддати тугагач «Челси»га қайтиши кутилаётган Николас Жексоннинг ўрнига номзод сифатида кўрмоқда.
Жорий мавсумда Душан Влахович «Ювентус» сафида барча турнирларда 18 та ўйинда майдонга тушиб, 6 та гол урди ва 2 та голли узатмани амалга оширди.
