«Yuventus» hujumchisi Dushan Vlaxovich faoliyatini Germaniyada davom ettirishi mumkin. Sky Sports nashrining xabariga ko‘ra, serbiyalik futbolchiga «Bavariya» qiziqish bildirmoqda.
Myunxen klubi hujumchining transferini ko‘rib chiqishga tayyor, agar u «Yuventus» bilan 2026 yilning 30 iyunigacha mo‘ljallangan shartnomasini uzaytirmasa — bu holatda futbolchi yozda erkin agentga aylanishi mumkin.
«Bavariya» Vlaxovichni Xarri Keynga o‘rinbosar, shuningdek, ijara muddati tugagach «Chelsi»ga qaytishi kutilayotgan Nikolas Jeksonning o‘rniga nomzod sifatida ko‘rmoqda.
Joriy mavsumda Dushan Vlaxovich «Yuventus» safida barcha turnirlarda 18 ta o‘yinda maydonga tushib, 6 ta gol urdi va 2 ta golli uzatmani amalga oshirdi.













