«Челси» вингери Эстевао Англия Премьер-лигасининг 32-тури доирасида «Манчестер Юнайтед»га қарши ўйинда жароҳат олди.

The Athletic нашрининг хабарига кўра, ушбу жароҳатдан сўнг футболчининг Жаҳон чемпионатидаги иштироки катта сўроқ остида қолмоқда. Бразилиялик иқтидорга тўртинчи даражали тизза ости пайлари жароҳати ташхиси қўйилган. Бундай турдаги шикастланишдан тикланиш учун одатда уч ойдан олти ойгача вақт талаб этилади, бу эса унинг 11 июнда бошланадиган мундиалгача сафга қайтишини деярли имконсиз қилиб қўяди.

Бразилия терма жамоаси ЖЧ-2026даги илк ўйинини 13 июнь куни Марокашга қарши ўтказади.

Жорий мавсумда Эстевао «Челси» учун барча турнирларда 36 та ўйин ўтказиб, 8 та гол урди ва 4 та голли узатмани амалга оширди. Бразилия терма жамоасида эса 11 та ўйинда майдонга тушиб, 5 та гол уришга улгурган эди.