Ярим ҳимоячи Бернарду Силва жорий мавсум якунланганидан кейин «Манчестер Сити»ни тарк этади, бу ҳақда у аввалроқ расман эълон қилган эди.
ESPN нашрининг маълумотларига кўра, португалиялик футболчини ўз сафига қўшиб олиш учун Лондоннинг «Арсенал» клуби курашга киришди. Шунингдек, 31 ёшли ўйинчининг трансферига «Барселона» ва «Ювентус» ҳам қизиқиш билдирмоқда.
Бернарду Силва 2017 йилда «Монако»дан «Манчестер Сити»га 50 миллион евро эвазига ўтган эди. Умумий ҳисобда португалиялик футболчи «шаҳарликлар» сафида барча турнирларда 452 та ўйин ўтказиб, 76 та гол урди ва 77 та голли узатмани амалга оширди.
