«Барселона» дарвозабони Жоан Гарсия Ла Лига доирасидаги «Сельта» устидан қозонилган ғалабадан (1:0) сўнг ўз фикрлари билан ўртоқлашди. Учрашув тақдирини 40-дақиқада Ламин Ямал томонидан аниқ амалга оширилган пенальти ҳал қилди.
«Ўйин жуда қийин кечди, лекин биз охиригача курашдик ва муҳим уч очкони қўлга киритдик. Иккинчи бўлим олдидан ўйинимизга маълум ўзгартиришлар киритишимизга тўғри келди ва хайриятки, бу ўз самарасини берди. Биз бошқачароқ ўйнай бошладик, ўзимизга бўлган ишонч ортди ва назоратни қўлга олдик», – деди Гарсия ўйиндан сўнг журналистларга берган интервьюсида.
Ушбу ғалабадан сўнг «Барселона» турнир жадвалида Мадриднинг «Реал» клуби билан орадаги фарқни яна тўққиз очкога етказиб олди.
