"Барселона" бош мураббийи Ханс-Дитер Флик ярим ҳимоячи Френки де Йонгнинг янги натижасига муносабат билдирди. 28 ёшли футболчи каталонияликлар сафида майдонга тушиш бўйича нидерландиялик легионерлар ўртасида мутлақ рекордчига айланди ва бу борада афсонавий Филипп Кокуни ортда қолдирди.
Айни дамда хавбек ҳисобида "кўк-анорранглилар" либосида ўтказилган 293 та учрашув мавжуд.
"Френки ўз ютуғидан жуда хурсанд — бу у учун ҳақиқатан ҳам қадрли. Албатта, у ажойиб футболчи. У майдонга тушган вақтда жамоага қанчалик катта фойда келтира олишини ҳамма кўрди. У биз учун муҳим ижрочи ҳисобланади", — дея Фликнинг сўзларини келтирмоқда BarcaTimes.
Эслатиб ўтамиз, Френки де Йонг "Барселона" сафида 2019 йилдан буён тўп суриб келмоқда.
