"Barselona" bosh murabbiyi Xans-Diter Flik yarim himoyachi Frenki de Yongning yangi natijasiga munosabat bildirdi. 28 yoshli futbolchi kataloniyaliklar safida maydonga tushish bo‘yicha niderlandiyalik legionerlar o‘rtasida mutlaq rekordchiga aylandi va bu borada afsonaviy Filipp Kokuni ortda qoldirdi.

Ayni damda xavbek hisobida "ko‘k-anorranglilar" libosida o‘tkazilgan 293 ta uchrashuv mavjud.

"Frenki o‘z yutug‘idan juda xursand — bu u uchun haqiqatan ham qadrli. Albatta, u ajoyib futbolchi. U maydonga tushgan vaqtda jamoaga qanchalik katta foyda keltira olishini hamma ko‘rdi. U biz uchun muhim ijrochi hisoblanadi", — deya Flikning so‘zlarini keltirmoqda BarcaTimes.

Eslatib o‘tamiz, Frenki de Yong "Barselona" safida 2019 yildan buyon to‘p surib kelmoqda.