«Манчестер Сити» марказий ҳимоячиси Жон Стоунс жорий мавсум якунлангач, катта эҳтимол билан жамоани тарк этади. Англиялик футболчининг амалдаги шартномаси июнь ойи охирида ўз ниҳоясига етади ва «шаҳарликлар» раҳбарияти ҳамкорликни узайтиришни режалаштирмаяпти.
Инсайдер Фабрицио Романонинг маълумотларига кўра, Стоунснинг хизматлари «Ювентус» ва Италиянинг бошқа гранд клубларига таклиф қилинган. «Кекса синьора» вакиллари футболчининг маҳоратини юқори баҳолашса-да, унинг тез-тез жароҳат олиши номзод борасида иккиланиш пайдо қилмоқда. Шунингдек, Стоунс учун яна бир вариант сифатида «Милан» клуби тилга олинмоқда.
Май ойида Жон Стоунс 32 ёшни қарши олади. У ўн йилдан бери «Манчестер Сити» шарафини ҳимоя қилиб келмоқда.
