«Барселона» ярим ҳимоячиси Педри жамоадоши — 18 ёшли Ламин Ямалнинг жароҳати ҳақида фикр билдирди.
«Умид қиламанки, Ламин имкон қадар кам вақт ўйинларни ўтказиб юборади. Эртага у тиббий текширувдан ўтади ва муаммо нимада эканини билиб оламиз. Унга барча яхшиликларни тилайман ва хотиржам бўлишини хоҳлайман, чунки у ҳали жуда ёш», — деди Педри. Унинг сўзларини журналист ва инсайдер Фабрицио Романо келтирган.
Эслатиб ўтамиз, Ламин Ямаль Ла Лига доирасида «Сельта»га қарши ўйинда (1:0) жароҳат олган эди. У пенальтидан гол ургандан сўнг, чап оёқ орқа қисмида оғриқ ҳис қилиб, майдонни тарк этган.
2026 йилги жаҳон чемпионати 11 июнь куни старт олади. Турнир АҚШ, Мексика ва Канадада бўлиб ўтади. Испания миллий жамоаси H гуруҳида Кабо-Верде миллий жамоаси, Саудия Арабистони миллий жамоаси ва Уругвай миллий жамоасига қарши ўйнайди.













