«Челси»нинг собиқ мураббийи Лиам Росеньор лондонликлар бошқарувидаги фаолияти давомида Англия Премьер-лигасида ҳар бир ўйинда ўртача 1,31 очко жамғарган. Бу ҳақда Transfermarkt статистик портали хабар бермоқда.
Манба берган маълумотга кўра, XXI асрда «Челси»да фақат бир нафар мураббий — Грэм Поттер Росеньордан камроқ очко тўплаган. Унинг кўрсаткичи 22 ўйинда ўртача 1,27 очкони ташкил этган. Лиам эса «кўклар» устози сифатида АПЛда атиги 13 та учрашувда иштирок этди.
Ушбу кўрсаткич бўйича XXI асрдаги энг яхши натижа исроиллик мутахассис Авраам Грантга тегишли (ҳар бир ўйинда ўртача 2,32 очко). Грант лондонликларни жами 32 ўйинда (2007/2008 йилги мавсум) бошқарган. Кучли учликдан, шунингдек, Жозе Моуриньо (2,19) ва Антонио Конте (2,14) жой олишган.
