«Барселона» ярим ҳимоячиси Френки де Йонг клубдаги фаолияти давомидаги энг севимли лаҳзаси ҳақида гапириб берди. Нидерландиялик футболчи 2019 йилнинг ёзида Амстердамнинг «Аякс» клубидан «кўк-анорранглилар» сафига келиб қўшилган эди.
«Барселона»даги энг севимли лаҳзам — Ла Лигадаги ғалаба, аммо мен клубдаги ҳар бир кунимдан завқ оламан. Ҳалигача «Барса»да ўйнаётганимга кўника олмаяпман», — дея 28 ёшли футболчининг сўзларини келтиради Barca Universal.
Маълумот учун, Френки де Йонг икки бор — 2023 ва 2025 йилларда Испания чемпиони бўлган. Тез орада каталонияликлар навбатдаги чемпионликни нақд қилиб қўйишлари мумкин — ҳозирда Мадриднинг «Реал» клуби билан орадаги фарқ тўққиз очкони ташкил этмоқда.
