Мадриднинг «Реал» клуби марказий ҳимоячиси Рауль Асенсио шу ёзда сотиб юборилиши мумкин. «Қироллик клуби» 23 ёшли ўз тарбияланувчисига эндиликда ишонч билдирмаяпти ва бўлажак трансфер ойнасида у билан хайрлашишга тайёр. Бу ҳақда El Mundo нашрига таяниб Transfer News Live хабар бермоқда.
Испаниялик футболчининг ўзи эса жамоадан кетишни истамаяпти. Рауль Асенсионинг «Реал» билан амалдаги шартномаси 2031 йилнинг ўрталарига қадар мўлжалланган бўлиб, Transfermarkt портали унинг бозор қийматини 25 миллион еврога баҳолаган.
Жорий мавсумда ҳимоячи «қаймоқранглилар» сафида барча мусобақаларда жами 31 та ўйинда иштирок этди ва ўз ҳисобига 2 та гол ҳамда битта голли узатмани ёзиб қўйди.
