«Барселона» вингери Рафинья Диас жароҳатидан сўнг сафга қайтишга яқин турибди. Бразилиялик футболчи соғайиб бўлди ва келаси ҳафта бошидан жамоанинг тўлиқ машғулотларига қўшилади, деб хабар бермоқда журналист Ашраф бен Аяд.

Эслатиб ўтамиз, Рафинья март ойи охирида Бразилия терма жамоаси ихтиёрида бўлган вақтида жароҳат олган эди. 29 ёшли футболчи «кўк-анорранглилар»нинг охирги бешта ўйинини, жумладан, Чемпионлар лигаси доирасида Мадриднинг «Атлетико» клубига қарши кечган ва каталонияликлар учун муваффақиятсиз якунланган иккала баҳсни ҳам ўтказиб юборди.

Шанба куни, 25 апрель санасида «Барселона» Ла Лига доирасида «Хетафе»га қарши майдонга тушади, бир ҳафтадан сўнг эса «Осасуна» билан баҳс бўлиб ўтади.