Лондоннинг «Челси» клуби бош мураббийлик лавозими учун Саудия Арабистонининг «Ал-Аҳли» жамоасида фаолият юритаётган Маттиас Яйссле номзодига қизиқиш билдирмоқда. Бу ҳақда TEAMtalk нашри хабар тарқатди.
Манбанинг қайд этишича, «кўклар» раҳбарияти 38 ёшли германиялик мутахассисни тайинлаш бўйича дастлабки тайёргарлик ишларини бошлаб юборган.
Яйссле 2023 йилнинг ёзидан буён «Ал-Аҳли» клубини бошқариб келмоқда. Унинг қўл остида жамоа Саудия Про-лигасининг жорий мавсумида 28 турдан сўнг 66 очко жамғариб, турнир жадвалида 3-ўринни эгаллаб турибди. У Саудия Арабистонига йўл олгунга қадар Австриянинг «РБ Зальцбург» ва «Лиферинг» клубларида мураббийлик қилган.
Маълумот учун, Маттиас Яйссленинг «Ал-Аҳли» билан амалдаги шартномаси 2027 йилнинг ёзига қадар мўлжалланган.
