Машҳур шарҳловчи ва телебошловчи Ричард Кизнинг фикрича, Микель Артета ўз лавозимини сақлаб қолиши учун Лондоннинг «Арсенал» клуби билан албатта соврин ютиши шарт.

«Канонирлар» Премьер-лигада ишонч билан пешқадамлик қилаётган эдилар, бироқ устунликни бой бериб қўйишди — эндиликда улар қўшимча кўрсаткичлар бўйича «Манчестер Сити»дан ортда қолишмоқда.

Чемпионлар лигасида эса пойтахт жамоаси ярим финалгача етиб борди ва у ерда Мадриднинг «Атлетико» клуби билан тўқнаш келади.

«Агар «Арсенал» яна иккинчи ўринни эгалласа, Артета учун ягона имконият Чемпионлар лигасидаги ғалаба бўлади. Аммо мен уларни бу даражада кучли деб ўйламайман. Улар «ПСЖ»дан яхшироқми? «Бавария»дан-чи? Артета навбатдаги бор иккинчи бўлиб, ўз ишида қолиши мумкин эмас. Шунчаки мумкин эмас! Агар клуб раҳбарлари ҳозир янги мураббий тайинлаш ҳақида ўйлашаётган бўлмаса, демак, улар ўз ишини ёмон бажаришмоқда», – деди Киз Mirror Football нашрига берган интервьюсида.

Микель Артетанинг амалдаги шартномаси 2027 йил ёзигача мўлжалланган.