«Штутгарт» Германия Кубоги финалига йўл олди.
Себастьян Хенесс шогирдлари турнирнинг ярим финалида «Фрайбург»ни 2:1 ҳисобида мағлуб этиб, кейинги босқичга йўлланмани қўлга киритишди.
Ҳал қилувчи баҳсда «шваблар» «Бавария» билан тўқнаш келишади. Финал учрашуви 23 май куни Берлиндаги «Олимпияштадион» аренасида бўлиб ўтади.
Қайд этиш лозимки, ўтган мавсумда «Штутгарт» финалда «Арминия» устидан ғалаба қозониб (4:2), кубок соҳибига айланган эди.













