«Манчестер Юнайтед» ярим ҳимоячиси Бруну Фернандеш футболда шахсий мукофотларни олиш унга ёқимли эканини таъкидлади.

«Футболчилар ва журналистлар талқинига кўра йилнинг энг яхши ўйинчиси совринига номзодлар қаторида бўлиш мен учун катта шараф. Жамоавий совринларни ютишни хоҳлашимиз ҳақида қанча хоҳласангиз гапиришингиз мумкин. Бу ҳақиқат. Лекин шахсий мукофотлар ҳар доим ёқимли. Сиз учун футболчилар овоз беришади. Бу бошқача аҳамиятга эга, чунки сиз уларга қарши ўйнагансиз. Агар улар сизни лигадаги энг яхшилардан бири деб тан олишса, бу катта имтиёздир», — дея Фернандешнинг сўзларидан иқтибос келтиради BBC.

Жорий мавсумда 31 ёшли португалиялик барча турнирларда 32 та ўйинда иштирок этиб, 8 та гол урди ва 19 та голли узатмани амалга оширди.

Премьер-лига тарихидаги энг яхши ассистентлар рейтингида у фақат Тьерри Анри ва Кевин Де Брёйнедан (20 та голли узатма) ортда қолмоқда.