«Ювентус» «Ливерпуль» дарвозабони Алисон Беккер билан шахсий шартнома шартлари бўйича келишувга эришди. Энди Турин клуби мерсисайдликлар билан потенциал трансфер шартларини келишиб олиши керак. Бу ҳақда Calciomercato хабар бермоқда.

Манба берган маълумотга кўра, «қизиллар» 33 ёшли посбоннинг ўтиши учун 10-15 миллион евро талаб қилмоқда, «Ювентус» эса бу суммани камайтириш ёки умуман тўламасликни хоҳлаяпти. Таъкидланишича, Алисоннинг ўзи «кекса синьора» сафига ўтишга тайёрлиги туринликларнинг фойдасига ишламоқда. Шу билан бирга, «Ливерпуль» «италияликларнинг талабидан ғазабда».

Италия гранди бразилиялик дарвозабонга солиқлар тўланганидан кейин мавсумига 5-6 миллион евро маош билан икки ёки уч йиллик шартнома таклиф қилишга тайёр.

Жорий мавсумда Алисон барча турнирларда 34 та ўйинда иштирок этди ва уларнинг 13 тасида дарвозаси дахлсизлигини сақлаб қолди. Футболчининг клуб билан амалдаги шартномаси 2027 йилнинг ёзига қадар мўлжалланган. Transfermarkt портали маълумотларига кўра, дарвозабоннинг бозор қиймати 17 миллион еврони ташкил қилади.