«Барселона» бош мураббийи Ханс-Дитер Флик Рафинья Диас ва Марк Берналь жамоага «Хетафе»га қарши бўлажак ўйинда ёрдам бера олиши ҳақидаги саволга жавоб берди.
«Агар футболчи тайёр бўлса ва жамоа билан машғулот ўтказаётган бўлса, биз унга ишонишимиз мумкин, бироқ уларнинг иккаласи ҳам ҳозирча биз билан машқ қилишмади. Марк Берналь ва Рафинья майдонга туша олмайди. Биз уларнинг ҳолатини кунма-кун кузатиб боряпмиз. Умид қиламанки, келаси ҳафтада вазият сезиларли даражада яхшиланади», — дея Фликнинг сўзларини келтиради Barça Universal.
