«Ювентус» марказий ҳимоячиси Пьер Калюлю «Манчестер Юнайтед» қизиқишлари доирасига тушди. Бу ҳақда TUTTO mercato WEB нашри хабар бермоқда.
Манба берган маълумотларга кўра, «қизил иблислар» 25 ёшли франциялик футболчини кузатиб боришмоқда ва «Ювентус»нинг «Милан»га қарши бўлажак ўйинига ўз вакилларини юборишади.
Шу билан бирга, катта клублар томонидан Калюлюга бўлган қизиқиш ортиб бораётгани фонида, туринликлар ўз футболчиси учун янги шартнома тайёрлашаётгани қайд этилган.
Жорий мавсумда Калюлю барча турнирларни ҳисобга олган ҳолда 44 та учрашувда майдонга тушди, иккита гол урди ва еттита голли узатмани ўз ҳисобига ёздириб қўйди.
Transfermarkt портали мутахассислари франциялик ҳимоячининг қийматини 32 миллион еврога баҳолашмоқда.
