Ирқчилик учун дисквалификация қилинган «Бенфика» футболчиси Жанлука Престианни «Реал» юлдузларини ҳақорат қилишда айблади.

— Винисиус менга: «Қани, кел, менга қарши бирга-бир ўйна, қўрқоқ», дерди. У менга: «Онангни ***** [лаънатласин]», деди. Аммо йўқ, мен ҳеч қайси вазиятда ҳеч нарса деганим йўқ.

— Мбаппенинг: «Сен лаънати ирқчисан», деганини эшитдингизми?

— Ҳа, эшитдим. Лекин мен ҳеч қачон бунга жавоб қайтармаган бўлардим. Ўйин бошланиши билан Винисиус ва Мбаппе мени ҳақорат қила бошлашди, аммо мен бирор марта ҳам уларга жавоб бермадим, — дея Престианнининг сўзларини келтиради The Touchline.

Эслатиб ўтамиз, «Бенфика» ва «Реал» ўртасидаги ўйиндаги ирқчилик билан боғлиқ можаро шу йилнинг февраль ойида содир бўлган эди.