Мюнхеннинг «Бавария» клуби Венсан Компани қўл остида мағлубият нималигини билмай келмоқда. Бундеслиганинг 31-турида «Майнц» устидан қозонилган иродали ғалаба (4:3) мюнхенликларнинг муваффақиятли сериясини давом эттирди.
Эътиборли жиҳати, мюнхенликлар «Майнц» билан баҳснинг биринчи бўлимидан сўнг 0:3 ҳисобида имкониятни бой бераётиб, якунда ғалабани илиб кетишди. Жамоа сўнгги бор шу йилнинг 24 январида «Аугсбург»га (1:2) имкониятни бой берган эди. Ўшандан бери ўтган уч ой давомида «Бавария» барча турнирларда 17 та ғалаба ва 2 та дуранг қайд этди.
Жамоани олдинда мавсумнинг энг муҳим баҳсларидан бири кутмоқда. Мюнхенликлар 28 апрель куни Чемпионлар лигаси ярим финали доирасида «ПСЖ» меҳмони бўлишади.
