Аёллар ўртасидаги Чемпионлар лигасининг ярим финал босқичидан ўрин олган «Бавария» ҳамда «Барселона» жамоалари ўртасидаги дастлабки учрашув якунланди. Мюнхендаги «Арена Мюнхен» стадионида кечган баҳс 1:1 ҳисобидаги дуранг билан ниҳояланди.
Ўйинда ҳисоб тезкорлик билан очилди: 8-дақиқада каталонияликлар ҳужумчиси Эва Пайор меҳмонларни олдинга олиб чиқди. Мюнхенликлар иккинчи бўлимда мувозанатни тиклашга муваффақ бўлишди — 69-дақиқада Франциска Кетт гол муаллифига айланди. Эътиборли жиҳати, гол урган Кетт 80-дақиқада қўполлиги учун майдондан четлатилди.
Мазкур жамоалар ўртасидаги жавоб учрашуви 3 май, якшанба куни Барселонадаги «Spotify Камп Ноу» стадионида бўлиб ўтади.
Эслатиб ўтамиз, чорак финалда «Барселона» Мадриднинг «Реал» клубини икки ўйин натижасига кўра 12:2 ҳисобида тор-мор этган, «Бавария» эса «Манчестер Юнайтед»дан (5:3) устун келган эди.
