«Челси»нинг вақтинчалик бош мураббийи Калум Макфарлен Премьер-лига даражасида бош мураббий бўлиб ишлаш учун зарур бўлган УEФА Pro лицензиясига эга эмаслигини тан олди.
40 ёшли мутахассис жорий мавсумда иккинчи бор «Челси»да мураббий вазифасини бажарувчи лавозимини эгаллади — Лиам Росеньор ишдан бўшатилгач, унинг ёрдамига яна эҳтиёж туғилди.
«Менда Pro лицензияси йўқ, лекин ўтган сафар бу ҳеч қандай халақит бермаган эди. Йигитлар менга ишонишади, биз «Лидс»га қарши ўйинда ўзимизни энг яхши томондан кўрсатишга тайёрмиз», — дея Макфарленнинг сўзларини келтиради Daily Mail.
Англия Кубоги ярим финали доирасидаги «Челси» ва «Лидс» ўртасидаги учрашув бугун «Уэмбли» стадионида бўлиб ўтади. Ўйин Тошкент вақти билан соат 19:00 да бошланади.
