«Chelsi»ning vaqtinchalik bosh murabbiyi Kalum Makfarlen Premyer-liga darajasida bosh murabbiy bo‘lib ishlash uchun zarur bo‘lgan UEFA Pro lisenziyasiga ega emasligini tan oldi.
40 yoshli mutaxassis joriy mavsumda ikkinchi bor «Chelsi»da murabbiy vazifasini bajaruvchi lavozimini egalladi — Liam Rosenyor ishdan bo‘shatilgach, uning yordamiga yana ehtiyoj tug‘ildi.
«Menda Pro lisenziyasi yo‘q, lekin o‘tgan safar bu hech qanday xalaqit bermagan edi. Yigitlar menga ishonishadi, biz «Lids»ga qarshi o‘yinda o‘zimizni eng yaxshi tomondan ko‘rsatishga tayyormiz», — deya Makfarlenning so‘zlarini keltiradi Daily Mail.
Angliya Kubogi yarim finali doirasidagi «Chelsi» va «Lids» o‘rtasidagi uchrashuv bugun «Uembli» stadionida bo‘lib o‘tadi. O‘yin Toshkent vaqti bilan soat 19:00 da boshlanadi.
